Астанада Ресей мен Беларусь Республикасының мұрағатынан табылған құжаттардың таныстырылымы өтті
Бүгін Астана қаласының мемлекеттік мұрағатында «Мұрағаттар сөйлейді...» («Говорят архивы») атты жинағының таныстырылымы өтті.
Бүгін Астана қаласының мемлекеттік мұрағатында «Мұрағаттар сөйлейді...» («Говорят архивы») атты жинағының таныстырылымы өтті.
Жинаққа Ресей Федерациясы мен Беларусь Республикасының ұлттық мұрағаттарынан табылған құжаттар енгізілген.
Жинаққа кірген бірқатар құжаттар соғыс уақытындағы Ақмола облысы, Ақмола облысында жасақталған дивизиялар мен олардың ерлігі, Қазақстаннан шыққан партизандар мен олардың соғыс әрекеттері туралы баяндайды.
Сондай-ақ, Беларусь майданында соғысқан және партизандық қозғалыстарға қатысқан қазақстандықтар туралы, Ақмолада жасақталған 29-шы, 310-шы, 387-ші дивизиялардың және 106-шы кавалериялық дивизия туралы айтылады.
Шараға ҰОС ардагерлері мен ҚР Парламентінің Мәжіліс депутаттары, тарихшылар, қоғам қайраткерлері, Ұлы Отан соғысында қаза тапқан ақмолалықтардың туыстары қатысты.